"Royal Crown Hotel Management" Məhdud Məsuliyyətli Cəmiyyətində (MMC) operativ vergi nəzarəti həyata keçirilib.
1xeber.media əldə etdiyi məlumata görə, nizamnamə kapitalı 10 manat, qanuni təmsilçisi Pakistan vətəndaşı Sindhu Nauman Sami olan şirkətdə vergi qanunvericiliyinin pozulması halları aşkar edilib.
Nəticədə, MMC barəsində POS-terminalların quraşdırılması və onlardan istifadə ilə bağlı qanunvericiliyin tələblərinə əməl olunmaması səbəbindən 1000 manat məbləğində maliyyə sanksiyası tətbiq edilib. Bundan əlavə, əhali ilə nağd hesablaşmaların aparılması qaydalarının pozulması faktına əsasən də 1000 manatlıq cərimə qərarı verilib.
Qeyd olunur ki, şirkətin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə ümumilikdə 83,091.15 AZN vergi borcu mövcuddur.
Xatırladaq ki, MMC-nin hüquqi ünvanı Bakı şəhəri, Nəsimi rayonu, Bəşir Səfəroğlu küçəsi, ev 133-də yerləşir. "Royal Crown Hotel Management" müxtəlif mehmanxanaların idarə olunmasını həyata keçirən aparıcı otel idarəetmə şirkəti olmaqla, mərkəzi Dubayda yerləşir.
