Ukrayna Prezidenti Volodimir Zelenski İstanbulda keçirilən danışıqlar zamanı əhəmiyyətli razılığın əldə olunduğunu açıqlayıb.
1xeber.media xəbər verir ki, dövlət başçısı çıxışında əldə olunan razılaşma nəticəsində 1200 ukraynalı vətəndaşın və ya hərbçinin ölkəyə qaytarılmasının təmin olunduğunu deyib.
Münaqişənin həlli üzrə Rusiya-Ukrayna danışıqlarının üçüncü raundu iyunun 23-də İstanbulda baş tutub və təxminən 40 dəqiqə davam edib. İclas öncəsi Rusiya nümayəndə heyətinin rəhbəri Vladimir Medinski və Ukrayna tərəfinin baş danışıqlarçısı Rustem Umerov arasında qapalı formatda qısa görüş keçirilib.
Danışıqlar zamanı Rusiya tərəfi qarşılıqlı fəaliyyətin gücləndirilməsi məqsədilə siyasi, humanitar və hərbi məsələlər üzrə ixtisaslaşmış üç işçi qrupun yaradılmasını təklif edib. Tərəflər həm nümayəndə heyətləri, həm də bu işçi qruplar səviyyəsində danışıqları davam etdirməyə razılaşıblar.
