Avropa Birliyi ilə ABŞ arasında əldə olunan gömrük razılaşması Almaniyada şirkətlərin əksəriyyəti üçün əlavə iqtisadi narahatlıqlara səbəb olub.
1xeber.media xəbər verir ki, bu barədə Almaniya Sənaye və Ticarət Palatasının (DIHK) keçirdiyi onlayn sorğunun nəticələrində bildirilib.
Respondentlərin 58 faizi razılaşmanın əlavə yük gətirəcəyini bildirib. ABŞ ilə birbaşa ticarət əlaqəsi olan şirkətlər arasında isə bu rəqəm 74 faiz təşkil edib.
Sorğuda iştirak edən 3355 şirkətdən cəmi 5 faizi gömrük razılaşmasının müsbət iqtisadi təsir göstərəcəyini bildirib.
DIHK-ın baş direktoru Helena Melnikov razılaşmanın siyasi baxımdan zəruri olduğunu desə də, alman şirkətləri üçün bunun “acı bir həqiqət” olduğunu bildirib. O qeyd edib ki, yeni razılaşma vergi artımı, əlavə bürokratiya və rəqabət qabiliyyətinin azalması ilə nəticələnəcək.
H.Melnikov əlavə edib ki, razılaşmanın sabitliyi ilə bağlı da qeyri-müəyyənlik mövcuddur və Avropa Komissiyası növbəti danışıqlarda real iqtisadi irəliləyişlər üçün israr etməlidir. Razılaşmaya əsasən, ABŞ-a Avropa Birliyindən idxal edilən məhsullara 15 faiz gömrük rüsumu tətbiq olunacaq
