Rusiya Prezidenti Vladimir Putin Şimali Koreya lideri Kim Çen Inla telefon danışığı keçirib.
1xeber.media xəbər verir ki, bu barədə Kremlin mətbuat xidməti məlumat yayıb.
Söhbət zamanı Putin Kursk vilayətinin Ukrayna Silahlı Qüvvələrindən azad edilməsi prosesində KXDR-in göstərdiyi dəstəyi yüksək qiymətləndirib. Rusiya lideri, həmçinin, Kim Çen İni Koreyanın Yaponiya müstəmləkəçiliyindən azad edilməsinin 80 illiyi münasibətilə təbrik edib.
Kim Çen In cavabında bu yubileyi “ümumi bayram” kimi qəbul etdiyini, işğalçılara qarşı mübarizədə Qırmızı Ordunun rolunu xatırladığını bildirib.
Tərəflər Rusiya ilə KXDR arasında imzalanmış Hərtərəfli Strateji Tərəfdaşlıq Müqaviləsi çərçivəsində dostluq, mehriban qonşuluq və əməkdaşlıq münasibətlərinin bütün sahələrdə inkişafına sadiq olduqlarını bir daha təsdiq ediblər.
