Pakistanın iğtişaşlar yaşanan cənub-qərbdəki Bəlucistan əyalətində onlarla yaraqlının hücumu nəticəsində azı doqquz əsgər həlak olub.
1xeber.media xəbər verir ki, bu barədə AFP məlumat yayıb.
Bazar ertəsi toqquşmalar ABŞ Dövlət Departamentinin “Bəluc azadlıq ordusu”nu xarici terror təşkilatı elan etdiyi gün baş verib. Vaşuk rayonunda yüksək rütbəli hökumət rəsmisi onlarla yaraqlının polis bölməsinə və Sərhəd Qoşunlarının iqamətgahına hücum etdiyini bildirib.
Rəsmilər hücumda 6 əsgərin də yaralandığını bildirib. Vilayətin yüksək rütbəli rəsmisi deyib ki, yaraqlılar Vaşuk rayonundakı Bəsimə qəsəbəsindəki Sərhəd Korpusu iqamətgahına əl qumbaraları atıblar. Hücuma görə məsuliyyəti heç bir qrup öz üzərinə götürməyib, lakin ən fəal “Bəluc azadlıq ordusu”dur.
