Dnepropetrovsk və Donetsk vilayətlərində 200 mindən çox sakinin təxliyəyə ehtiyacı var. Bunlar təhlükəli ərazilərdə yaşayan insanlardır.
1xeber.media xəbər verir ki, bu barədə Ukraynanın İcmaların və Ərazilərin İnkişaf Nazirliyinin Feysbuk hesabında paylaşım edilib.
Bildirilir ki, bu il iyunun 1-dən avqustun 22-dək iki regiondan 64 mindən çox insan təxliyə edilib. Eyni zamanda, hələ də təxliyəyə ehtiyacı olanlar var və onların çoxu uşaqdır.
"Daha 237 min insanın təxliyəyə ehtiyacı var, bunlar təhlükəli ərazilərdə yaşamaqda davam edən insanlardır, onların təxminən 17 200-i uşaqlardır”, - deyə məlumatda qeyd olunub.
