Gürcüstanın Dövlət Təhlükəsizliyi Xidmətinin rəhbəri Anri Oxanaşvili istefa verib.
1xeber.media xəbər verir ki, bu barədə Oxanaşvili özü Baş nazir İrakli Kobaxidze ilə məsləhətləşmələrdən sonra məlumat verib.
Məlumata görə, Anri Oxanaşvili Gürcüstan Baş nazirinin milli təhlükəsizlik məsələləri üzrə müşaviri təyin olunub.
**
Gürcüstan Dövlət Təhlükəsizliyi Xidmətinin yeni rəhbəri hakim partiyanın icraçı katibi Mamuka Mdinaradze olacaq.
Bu barədə ölkənin Baş naziri İrakli Kobaxidze məlumat verib.
"M.Mdinaradzenin hüquq-mühafizə orqanlarında kifayət qədər uzunmüddətli iş təcrübəsi var, bu da Dövlət Təhlükəsizlik Xidmətinin rəhbəri vəzifələrinin yerinə yetirilməsi üçün çox vacibdir”, – Kobaxidze vurğulayıb.
Mdinaradzenin namizədliyi yaxın vaxtlarda Gürcüstan parlamentinin müzakirəsinə təqdim olunacaq.
