Çərşənbə günü ABŞ Konqresinin Nümayəndələr Palatası 2026-cı il üçün (oktyabrın 1-dən başlayır) təxminən 900 milyard dollarlıq hərbi xərcləri nəzərdə tutan qanun layihəsini təsdiqləyib.
1xeber.media xəbər verir ki, bu barədə xarici KİV məlumat yayıb.
Sənədi 231 deputat dəstəkləyib, 196 deputat əleyhinə olub.
Hazırda Nümayəndələr Palatasında azlıq təşkil edən ABŞ Demokrat Partiyasından 17 qanunverici qanun layihəsini dəstəkləyib, yalnız dörd respublikaçı ona səs verməyib.
Sənəddə Ukraynaya 400 milyon dollar hərbi yardımın ayrılmasını nəzərdə tutan bənd var. Bu vəsaitlərin Ukraynaya Təhlükəsizliyə Yardım Təşəbbüsü (USAI) vasitəsilə ayrılması nəzərdə tutulur. O, Amerika arsenallarından birbaşa müəyyən avadanlıq və vasitələrin verilməsini deyil, ABŞ Müdafiə Nazirliyinin istehsalçılarla müqavilələr bağlamasını nəzərdə tutur.
