Polyaklar ukraynalılarla tamhüquqlu hərbi əməkdaşlığa mənəvi cəhətdən hazır deyillər və bu, ruslar təzyiqi artırmayınca davam edəcək. Eyni zamanda, vəziyyət çox sürətlə inkişaf edir və buna görə də artıq payızda müharibə Ukrayna–Rusiya münaqişəsinin hüdudlarından kənara çıxa bilər.
1xeber.media xəbər verir ki, bunu Ukraynanın Şimali Avrasiya Transformasiya İnstitutunun icraçı direktoru Vladimir Qorbaç deyib.
Onun sözlərinə görə, polşalılara rus PUA-larının təhdidinə qarşı necə mübarizə aparılması öyrədilməlidir:
“Belə təkliflər Ukrayna tərəfindən artıq səslənib, çünki Ukraynanın rus təcavüzünə qarşı mübarizədə yeni texnoloji mərhələdə geniş təcrübəsi var. Həmçinin Ukrayna hava hücumları barədə xəbərdarlıq sistemi qurmağa kömək etməyə hazırdır.
Buna görə də, bir tərəfdən biz doğrudan da bunu təklif etməliyik və düşünürəm ki, polyak tərəfi bundan istifadə etməli idi. Amma digər tərəfdən, mənə elə gəlir ki, bizim qərbli qonşularımıza Ukrayna tərəfindən təhlükəsizlik zəmanəti vermək barədə yarızarafat təkliflərimiz ciddi qəbul olunmur. Onlar mənəvi-psixoloji cəhətdən buna hazır deyillər və belə təklifləri hətta ölkələrini müharibəyə cəlb etmək cəhdi kimi görə bilərlər. Ona görə də guya ki, yaxşı olar kənarda qalsınlar, bəlkə hər şey ötüb keçər və müharibə onlara toxunmaz”.
Qeyd edək ki, 10 sentyabrda Rusiyaya məxsus PUA-lar Polşaya hücum etmişdi.
