Ağ Ev Donald Trampın Qəzza sülh planını təqdim edib.
1xeber.media xəbər verir ki, plan 20 bənddən ibarətdir.
İsrail anklavı işğal etməyəcək və ilhaq etməyəcək.
Qəzza qonşuları üçün heç bir təhlükə yaratmayacaq “deradikalizasiya edilmiş, terrordan azad zona”ya çevriləcək.
İsrailin bu razılaşmanı ictimai qəbul etməsindən sonra 72 saat ərzində bütün girovlar geri qaytarılacaq.
Bütün girovların azad edilməsindən sonra İsrail 2023-cü il oktyabrın 7-dən həbsdə olan 250 ömürlük məhbus və 1700 qəzzalı azad edəcək.
Birləşmiş Ştatlar dinc və firavan birgəyaşayış üçün siyasi perspektivləri razılaşdırmaq üçün İsrail və fələstinlilər arasında dialoqa təşəbbüs göstərəcək.
Hər iki tərəf bu təkliflə razılaşarsa, müharibə dərhal başa çatacaq.
Qəzza, Donald Tramp və Toni Bleyerin rəhbərlik etdiyi “Sülh Şurası”nın rəhbərliyi altında fələstinlilərin texnokratik komitəsi və beynəlxalq nümayəndələrdən ibarət müvəqqəti hökumət tərəfindən idarə olunacaq.
Məcburi evakuasiya olmayacaq. Sakinlərə “daha yaxşı Qəzza” qurmaq üçün qalmağa çağırılacaq. Bununla belə, sakinlər maneəsiz çıxıb getməkdə sərbəst olacaqlar.
Qəzzanı tərk etmək istəyən Həmas üzvlərinə ev sahibliyi edən ölkələrə təhlükəsiz keçid hüququ veriləcək.
