İsrailin “İsrail-Premier Tech” komandası “Ciro dell'Emilia” velosiped yarışından kənarlaşdırılıb.
1xeber.media bu barədə AFP-yə istinadən xəbər verir.
“Ciro dell'Emilia” oktyabrın 4-də İtaliyada arasında keçiriləcək.
“Təəssüf ki, “İsrail-Premier Tech” komandası yarışımızda olmayacaq. Biz ictimai təhlükəsizlik səbəbi ilə bu qərarı verməli olduq”, - yarışın təşkilatçılarından Adriano Amiçi deyib.
Sentyabr ayında “Vuelta a Espana” veloyürüşü zamanı İsrail əleyhinə şüarlar səsləndirən etirazçılar birbaşa velosiped yollarına daxil olaraq yarışın keçirilməsinə mane olublar. Etirazlar nəticəsində yarışın bəzi mərhələləri vaxtından əvvəl başa çatıb və qalib müəyyənləşməyib.
