Almaniya kansleri Olaf Şolts yemək vərdişləri ilə bağlı təəccüblü faktı açıqlayıb.
1xeber.media “Qafqazinfo”ya istinadən xəbər verir ki, hökumət başçısının çıxışı partiyanın rəsmi yutub kanalında yayımlanıb.
Belə ki, izləyicilər Şoltsa suallar göndəriblər və ondan ən çox səhər yeməyində nə yeməyə üstünlük verdiyini soruşublar.
“Bir çox sual var idi və ən çox yayılmış sual bu idi: səhər yeməyi yeyərkən “Nutella komandası”ndasınız, yoxsa onsuz getməyi üstün tutursunuz?” – kansler deyib.
Siyasətçi isə etiraf edib ki, o, on iki yaşından bəri uşaqlar arasında məşhur olan “Nutella” şokoladını yemir. Lakin Şolts bu şokoladdan niyə belə tez imtina etdiyini açıqlamayıb.
Şolts tez-tez səhər yeməyini tamamilə atladığını da qeyd edib. O, bunun nə üçün baş verdiyini də açıqlamayıb.
Qeyd edək ki, bu yaxınlarda Akademik Roytberq Klinikasının qastroenteroloqu Yevgeni Belousov bildirib ki, şokolad pastalarında ən çox bədən üçün zərərli olan çoxlu şəkər və palma yağı var. Bundan əlavə, onun sözlərinə görə, bu ləzzətə tez-tez süni tatlar və emulqatorlar əlavə edilir.
