ABŞ prezidenti Donald Tramp aprelin 20-nə qədər Ukraynada atəşkəs razılaşmasına nail olmaq istəyir.
1xeber.media xəbər verir ki, bu barədə “Bloomberg” agentliyi mənbələrinə istinadən yazıb.
Agentlik qeyd edir ki, avropalı rəsmilər Ukraynaya hərbi xərcləri və yardımları artırmaq üçün çalışır: “Avropa İttifaqının bir neçə üzv ölkəsinin lideri Fransa prezidenti Emmanuel Makronla birlikdə bu addımları müzakirə etmək üçün Parisə dəvət olunub. Görüşdə Avropa qoşunlarının Ukrayna göndərilməsi imkanları da müzakirə olunacaq. Lakin Tramp Administrasiyası birmənalı olaraq aprelin 20-nə - Pasxa bayramına qədər Ukraynada atəşkəs əldə etmək niyyətindədir”.
“Bloomberg” qeyd edir ki, Səudiyyə Ərəbistanında keçiriləcək danışıqların tempi iddialı görünsə də, sülhün qısa müddətdə əldə edilməsi qeyri-real görünür.
“Səudiyyədə keçiriləcək danışıqlar sülh prosesini sürətləndirə biləcək. Bu proses fevralın sonunda Trampla Putinin görüşü ilə yekunlaşa bilər. Mənbələrdən biri isə hesab edir ki, Ukraynada razılaşmanın bu ilin sonuna qədər mümkün olacağı daha real görünür”, - agentlik yazır.
