Ukrayna Prezidenti Vladimir Zelenski Prezident Rəcəb Tayyib Ərdoğanın dəvəti ilə sabah Türkiyəyə rəsmi səfər edəcək.
1xeber.media xəbər verir ki, bu barədə Türkiyə Prezidenti Administrasiyasının İctimaiyyətlə əlaqələr departamentinin rəhbəri Fəxrəddin Altun bildirib.
Bildirilib ki, prezidentlər Ərdoğan ilə Zelenskinin görüşündə Türkiyə-Ukrayna strateji tərəfdaşlıq münasibətləri bütün aspektləri ilə nəzərdən keçiriləcək və iki ölkə arasındakı əməkdaşlığın daha da gücləndirilməsi üçün atılacaq addımlar müzakirə olunacaq.
Tərəflər, eyni zamanda, Ukraynadakı son hadisələr, eləcə də digər regional və qlobal məsələlər barəsində fikir mübadiləsi aparacaqlar.
