Xəyanət münasibətlərdə ən ağır zərbələrdən biri hesab edilir. Bəziləri bunu xarakter zəifliyi, bəziləri isə qarşılıqlı anlaşılmazlıq kimi görsə də, astroloqlar bürclərin də bu məsələdə təsirli olduğunu bildirirlər. Astroloji analizlərə görə, bəzi bürclər daha çox emosional sabitlik və sədaqət axtarır, digərləri isə azadlıq, ehtiras və həyəcan istəyir.
Xəyanətə ən çox meyilli 3 bürcü təqdim edirik:
Əqrəb
Əqrəb bürcü ehtirasın və sirrin bürcüdür. Onlar sevgi və münasibətlərdə dərin emosiyalar yaşayırlar, amma eyni zamanda gizlilik və risk hissini sevirlər. Əqrəblər münasibətdə sadiq ola bilsələr də, əgər ehtiyac duyduqları ehtiras və həyəcanı tapmasalar, gizli oyunlara meyilli ola bilərlər. Astroloqların fikrincə, bu bürcün nümayəndələri emosional manipulyasiya və cəzbedici xarakterləri ilə qarşı cinsi rahatlıqla təsirləndirirlər. Xüsusilə, partnyorları ilə əlaqədə monotonluq hiss etsələr, yeni bir macəraya atılmaqdan çəkinməzlər.
Əkizlər
Əkizlər bürcü dəyişkən və azad ruhludur. Onlar üçün münasibətlərdə ən vacib faktor həyəcan və intellektual uyğunluqdur. Əgər əkizlər öz partnyorları ilə maraqlı söhbətlər, yeniliklər və əyləncə tapmazlarsa, diqqətləri tez bir zamanda başqa istiqamətə yönələ bilər. Astroloqlar bildirir ki, əkizlər təbiətcə flört etməyi sevir və özlərini ciddi bir münasibətə bağlamaqdan çəkinirlər. Onlar bəzən hisslərini belə dərk etmədən xəyanətə sürüklənə bilirlər. Bu səbəbdən əkizlər bürcündən olan birini münasibətdə saxlamaq üçün daim maraqlı və qeyri-adi olmaq lazımdır.
Oxatan
Oxatan azadlığına düşkün və sərhəd tanımayan bir bürcdür. Onlar üçün həyat, macəralar və yeni təcrübələr deməkdir. Münasibətlərdə həddən artıq qaydalara və məhdudiyyətlərə dözmürlər. Əgər özlərini sıxışdırılmış hiss etsələr, münasibətdən qaçmaq və yeni bir macəraya başlamaq istəyirlər. Astroloqların fikrincə, oxatan bürcünün nümayəndələri çox şən və pozitiv olduqları üçün, onlara qarşı müqavimət göstərmək çətindir. Lakin eyni zamanda, bu bürcün sadiqliyi qoruyub saxlamaq üçün daha açıq və sərbəst münasibət tərzi lazımdır./Yenisabah
