ABŞ prezidentinin Ukrayna və Rusiya üzrə xüsusi nümayəndəsi Keyt Kelloq Kiyevdə Ukrayna prezidenti Vladimir Zelenski ilə görüşüb. Lakin danışıqlardan sonra keçirilən mətbuat konfransı amerikalıların təşəbbüsü ilə ləğv edilib.
1xeber.media xəbər verir ki, bu barədə Ukraynanın UNIAN agentliyi özünün Telegram kanalında məlumat yayıb.
“Zelenski Kiyevdə Kelloqla görüşüb. Görüşdən sonra mətbuat konfransı keçirilməli idi, lakin Amerika tərəfinin tələbi ilə o, ləğv edildi”, - məlumatda deyilir.
Kelloq Kiyevə fevralın 19-da səhər gəlib, lakin o, Zelenski ilə yalnız fevralın 20-də günortadan sonra görüşüb. Amerikalı qonağın və Ukrayna prezidentinin konkret nəyi müzakirə etdiyi barədə məlumat verilmir.
