Biləsuvarda dəm qazından zəhərlənənlər ambulator müalicə üçün evə buraxılıblar.
Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.
"Fevralın 24-ü saat 10:00-da dəm qazından zəhərlənmə şübhəsilə altı nəfər (beşi qadın, biri kişi cinsli olmaqla) Biləsuvar Rayon Mərkəzi Xəstəxanasına hospitalizasiya olunub.
Onların hər birinə zəruri tibbi yardım göstərilib və ambulator müalicə üçün evə buraxılıblar", - deyə məlumatda qeyd olunub.
***
09:42
Biləsuvarda 6 nəfər dəm qazından zəhərlənib.
Hadisə rayonun Çinarlı kəndində baş verib.
Fərdi yaşayış evindən 6 nəfər - Səidə Əmirova, Saleh Ağayev, Sevda Ağayeva, Əli Ağayev, Zümrüd Ağazadə və Gülay Ağayeva zəhərlənmə diaqnozu ilə xəstəxanaya aparılıb.
Faktla bağlı araşdırma aparılır.
