Xəbər verdiyimiz kimi, Los-Ancelesdə 97-ci “Oskar” mükafatlandırma mərasimi baş tutub. Gecədə
1xeber.media xəbər verir ki, israilli Yuval Abraham və fələstinli Basel Adranın İordan çayının qərb sahilindəki pozuntulardan bəhs edən “No other land” sənədli filmi “Ən yaxşı sənədli film” nominasiyasında "Oskar" qazanıb. Filmin rejissorlarının mükafatlandırma mərasimindəki çıxışı gecədə iz buraxıb.
Mükafat mərasimində çıxış edən Adra, sənədli filmin fələstinlilərin illərdir məruz qaldıqları əzab və müqavimətin hekayəsini izah etdiyini söyləyərək, "Bu film bizim onilliklər ərzində yaşadığımız və hələ də müqavimət göstərdiyimiz acı reallığı əks etdirir", - deyib.
Filmin Fələstin xalqının uzun illərdir məruz qaldığı əzabları ortaya qoyduğunu vurğulayan Adra, “Fələstin xalqına qarşı ədalətsizliyi və etnik təmizləməni dayandırmaq üçün dünyanı ciddi addımlar atmağa çağırırıq”, - ifadələrdən istifadə edib.
Filmin israilli rejissoru Yuval Abraham bildirib ki, onların layihəsi fələstinlilərlə israillilər arasındakı bərabərsizliyi ortaya qoyur: “Baselə baxanda qardaşımı görürəm, amma biz bərabər deyilik. Mən sərbəst yaşadığım halda, Basel həyatını onun nəzarət edə bilmədiyi qanunlar altında yaşayır".
Sənədli film İordan çayının qərb sahilindəki Masafer Yatta icmasının İsrail tərəfindən məcburi köçürülməsi və bunun ardınca baş verən dağıntılardan bəhs edir. "Oskar" qazanması ilə istehsalın beynəlxalq rezonans doğuracağı gözlənilir.
