ABŞ-ın vitse-prezidenti Cey Di Vens bildirib ki, prezident Donald Tramp Ukrayna prezidenti Volodimir Zelenskidən kifayət qədər hörmət görmədiyini hiss edirdi. Buna görə də, 28 fevral görüşünün təkbətək deyil, kameralar qarşısında keçirilməsində israr edib.
1xeber.media xəbər verir ki, bu barədə "The Hill" Vensin "Fox News" kanalında Şon Hennitiyə verdiyi müsahibəyə istinadla yazır.
"Mən ilk 25-30 dəqiqədə bunu müşahidə etdim: hətta Zelenski onu qıcıqlandırmağa çalışanda, hətta məncə, həqiqətə uyğun olmayan şeylər deyəndə belə, prezident sadəcə olaraq diplomatik olmağa çalışırdı", - vitse-prezident deyib.
Vens əlavə edib ki, görüş, xüsusən də onun öz cavablarından biri Zelenskini "çox qəzəbləndirəndə" "həqiqətən nəzarətdən çıxıb".
"Mən isə sadəcə bu vəziyyəti bir qədər yumşaltmağa çalışırdım. Təsəvvür edin, burada görüş keçiririk, yüzlərlə kamera var. Dedim ki, gəlin bunu təkbətək müzakirə edək. Ancaq prezident – biz bu məsələdə irəli-geri danışmağa davam edərkən və mən yenə təklif edərkən ki, 'Bəlkə təkbətək danışaq', cavab Verdi ki: "Yox, əslində, mən artıq təkbətək danışmaq istəmirəm. Bu söhbəti açıq aparmaq istəyirəm ki, Amerika xalqı görsün”. Məncə, burada müəyyən bir hörmətsizlik hiss olunurdu", – deyə Vens bildirib.
The Hill qeyd edir ki, bu müsahibə bazar ertəsi əvvəlcədən yazılıb və efirə gedən kimi Trampın Ukraynaya hərbi yardımı dayandırdığı xəbəri yayılıb.
