Fransa prezidenti Emmanuel Makronun Rusiya lideri Vladimir Putinə zəng etməsinə heç kim mane olmur.
1xeber.media xəbər verir ki, Rusiya Xarici İşlər Nazirliyinin rəhbəri Sergey Lavrov departamentin YouTube kanalında yayımlanan mətbuat konfransında deyib.
“Bilirsiniz, cənab Makron vaxtaşırı fəxrlə bəyan edir ki, o, “Putinə zəng edəcək və mütləq onunla danışacaq”. Onun belə imkanları var, buna heç kim mane olmur”, - diplomat qeyd edib.
Lavrov həmçinin xatırladıb ki, Rusiya lideri beynəlxalq arenada bütün həmkarları ilə təmaslara açıq olduğunu daim vurğulayır.
