"Günəşli havada dumanın yayılması anomal hadisədir"
Bu barədə 1xeber.media açıqlamasında ekoloq Xosrov Musayev bu gün səhər saatlarında Bakı və bəzi ətraf rayonlarda müşahidə olunan dumanlı hava kütləsindən danışarkən deyib.
Ekoloq bu günə kimi belə hava ilə rastlaşmadığını vurğulayıb:
"Bunun başında dayanan insan faktorudur. İnsanlar atmosferi həddindən artıq çirkləndirir, nəticədə belə anomal hadisələr baş verir. Gün çıxanda havada duman olmur. Duman ancaq çiskinli, nəmli havada baş verir. Bu gün hər ikisinin olması qeyri-adi təbiət hadisəsidir".
Ekoloqun sözlərinə görə, insanların atmosferi çirkləndirməsi qeyri-adi anomal fəsadlara gətirib çıxardır:
"Gələcəkdə elə hadisələr ola bilər ki, əlimiz üzümüzdə qalsın. Bu mütləq araşdırılmalıdır".
Xatırladaq ki, bu gün səhər saatlarında Bakıda və Abşeron yarımadasında, eyni zamanda Quba, Şabran, Beyləqan, İmişli, Sabirabad, Zərdab, Neftçala, Biləsuvar, Lənkəran, Astarada duman müşahidə olunur və görünüş məsafəsi 500 metrədək məhdudlaşır. Ölkə ərazisində dumanlı hava şəraitinin martın 14-dək fasilələrlə davam edəcəyi gözlənilir.
