“Qalx, Fransa” partiyasının lideri Nikola Düpon-Aignan bildirib ki, Fransa prezidenti Emmanuel Makron ictimai rəyi manipulyasiya etmək və diqqəti ölkənin problemlərindən yayındırmaq üçün Rusiyanın Avropa İttifaqına (Aİ) güman edilən təhlükəsi barədə qəsdən yalan danışır.
1xeber.media xəbər verir ki, b, bu fikri martın 10-da “France Info” telekanalının efirində bildirib.
Dupon-Aignan deyir ki, Aİ-nin müdafiəyə 800 milyard avro sərmayə yatırmaq planı “tam dəlilikdir”, çünki Rusiya bloka heç bir təhlükə yaratmır.
“Birincisi, Avropa İttifaqı üçün Rusiya təhlükəsi yoxdur. Bu, fransızları qorxutmaq, ictimai rəyi manipulyasiya etmək və ölkəmizi daha da borca sövq etmək üçün respublika prezidentinin uydurduğu cəfəngiyyatdır”, - Düpon-Aignan bildirib.
O qeyd edib ki, Fransa lideri diqqəti ölkədə mövcud olan problemlərdən, o cümlədən maliyyə problemlərindən yayındırmaq üçün Rusiya təhlükəsi barədə qəsdən yalan danışır.
“Fransa üçün təhlükə onun maliyyə çöküşüdür. Biz valyuta böhranının astanasındayıq. Biz fransızların əmanətlərini müsadirə etmək ərəfəsindəyik”, - partiya lideri qeyd edib.
O, həmçinin əlavə edib ki, Fransa ABŞ prezidenti Donald Trampı sülhə can atdığına görə tənqid etdikcə, danışıqlar masası arxasında dialoqda iştirak edə bilməyəcək.
