“Rəsmi statistika 2025-ci ilin yanvar ayında infliyasiyanın 5,4 faiz olduğu bildirilir. Ərzaq məhsullarınn qiymətlərində 5 faiz artım göstərilsə də, əslində gündəlik tələbat mal və məhsullarının qiymətləri daha sürətl artmaqda davam edir.
Rəsmi statistikaya görə,bu ilin yanvar ayında əvvəlki aya nisbətən ayrı-ayrı qida məhsullarında bahalaşma olub”.
1xeber.media bildirir ki, bu barədə Milli Məclisin deputat Əli Məsimli paylaşımında qeyd edib.
Deputat bildirib ki, Novruz Bayramı ərəfəsində bir sıra məhsulların qiymətləri daha da artacaq. Bu, əhalinin aztəminatlı təbəqəsi üçün əlavə xərclər yaradacaq və onların bayram süfrəsi aşmağı imkanlarını məhdudlaşdıracaq.
“Bir sıra ölkələrdə bayramlar ərəfəsində qiymətlər xeyli aşağı salınır. Bizdə isə bayram ərəfələrində qiymətlər bir qayda olaraq daha da qaldırılır. İstisna kimi bir sıra mallara bayram endirimləri edilir. Məsələn, Bakıda “Kənddən şəhərə” Novruz yarmarkası fəaliyyətə başlayıb. Fermerlər öz məhsullarını özləri birbaşa satışa çıxarır. Bu qiymətin müəyyən qədər aşağı olmasına şərait yaradır. Amma bu, bir sıra ölkələrdə olduğu kimi kütləvi xarakter daşımır”-deyə deputat vurğulayıb.
Onun sözlərinə görə, bu cür endirimlər kütləvi surətdə əsas tələbat mal və məhsullarını tam və real tələbat fonunda geniş kəmiyyəydə əhatə eləmir. “Həmin endirimlərin yalnız bir hissəsi real endirimdir. Real endirim edənlərə sayğılarımızı bildiririk. Amma dükan-bazarların çoxunda belə endirimlərin xeyli hissəsi alıcını çaşdırmaq və aldatmaq məqsədi, manupulyasiya xarakteri daşıyır.
Yəni, məsələn,qiyməti ən çoxu 15-20 manat olan malın qiyməti əvvəlcə süni surətdə 50 manat elan edilir və sonra 30-40 faiz “şok endirim” reklamı ilə 15-20 manat əvəzinə 35-40 manata təklif edirlər”.
Ə.Məsimli bildirib ki, Novruz Bayramına sayılı günlər qalır: “Bayramlarda aztəminatlı təbəqəni düşünmək sadəcə ticari yox, həm də mənəvi məsələdir. Təklif edirik ki, bayram ərəfələrində qiymətlərin aşağı salınması ənənəsini yaratmaq istiqamətində addımar atılmağa başlanılsın”.
