ABŞ-ın şərqində güclü qasırğa nəticəsində azı 18 nəfər ölüb, çoxlu sayda ev dağılıb.
1xeber.media xəbər verir ki, bu barədə martın 15-də CBS News məlumat yayıb.
"Şərqə doğru Missisipi vadisinə və Dərin Cənuba doğru hərəkət edən güclü küləklər ən azı 18 nəfərin ölümünə səbəb olub", - hesabatda deyilir.
Missisipi qubernatoru Teyt Rivs bildirib ki, altı əyalətdə tornadolar qeydə alınıb. Mütəxəssislər ekstremal hava şəraitinin 100 milyondan çox insanın yaşadığı əraziyə təsir edəcəyini proqnozlaşdırırlar.
Missuri ştatında ən azı 11 ölüm, Arkanzasda üç ölüm, Oklahomada isə bir nəfər ölüb. Texasda da toz fırtınası zamanı baş verən yol qəzasında 3 nəfər ölüb. Qəzalardan birində 38 avtomobil iştirak edib.
Bundan əlavə, CBS telekanalı xəbər verir ki, güclü külək səbəbindən Texas, Oklahoma, Arkanzas və Missuri ştatlarında 216 mindən çox ev və iş yeri işıqsız qalıb.
