İstanbul Universiteti İstanbul Böyük Şəhər Bələdiyyəsinin (İBB) sədri Əkrəm İmamoğlunun diplomunu ləğv edib.
1xeber.media xəbər verir ki, bu barədə NTV məlumat yayıb.
Belə ki, Universitet İmamoğlu da daxil olmaqla 28 nəfərin diplomlarını “yoxluq” və “açıq xəta” səbəbi ilə ləğv etmək qərarına gəlib.
Qərardan sonra İmamoğlu sosial media hesabından açıqlama verib.
“İstanbul Universiteti İdarə Heyətinin qərarı qanunsuzdur. Onların belə bir qərar vermək səlahiyyəti yoxdur. Səlahiyyət yalnız Biznesin İdarə Edilməsi Fakültəsi İdarə Heyətindədir. Bu qərarı verənlərin tarix və ədalət qarşısında cavab verəcəkləri günlər yaxındır. Ədalətə, hüquqa, demokratiyaya susamış millətimizin yürüşünü dayandıra bilməyəcəklər”, - o bildirib.
