Ermənistanın müdafiə naziri Suren Papikyan Azərbaycanla sərhəddə son zamanlarda atəşkəsin pozulması hallarını təsdiqləyib.
O, bu barədə parlamentdəki çıxışı zamanı bildirib.
Papikyan bu məlumatların vacib hesab edilmədiyi üçün cəmiyyətə açıqlanmadığını deyib:
“Sərhədboyu atışmaların olması halları var, lakin Ermənistan istiqamətində deyil. Bunlar təhlükə yaratmadığı üçün tərəfimizdən rəsmi açıqlama verməyə ehtiyac olmadığını düşünürük. Müdafiə Nazirliyi hər şeyi izləyir”.
Qeyd edək ki, son günlərdə Azərbaycan Müdafiə Nazirliyi sərhəddə mövqelərimizin intensiv şəkildə atəşə tutulduğuna dair məlumatlar yayır. Lakin Ermənistan Müdafiə Nazirliyi hər dəfə bunu təkzib edir və sərhəddə sakitlik olduğunu bildirirdi. Həmçinin Avropa İttifaqının müşahidəçi missiyası da Ermənistan MN-nın məlumatını təsdiqləmişdi.
Globalinfo.az
