Slovakiya hakimiyyəti və parlament müxalifəti Ukraynaya mümkün sülhməramlı missiya çərçivəsində hərbi personalın göndərilməsinin əleyhinə çıxış edib.
1xeber.media xəbər verir ki, bu barədə Slovakiya Prezidenti Peter Pelleqrini məlumat verib.
“Mən şadam ki, biz hamımız razılaşdıq ki, Slovakiya Ukraynaya, istər sülhməramlı, istərsə də başqa missiya üçün əsgər göndərməyəcək”, - TASR xəbər agentliyi onun sözlərindən sitat gətirir.
Milli Şuranın sədr müavini Andrey Danko da təsdiqləyib ki, Slovakiya Milli Partiyası (SNP) Pribaltikaya qoşun göndərilməsini dəstəkləməyəcək. Onun sözlərinə görə, indi NATO-nun Rusiya sərhədləri yaxınlığında mövcudluğunun genişlənməsini dayandırmaq lazımdır. O, bu barədə TASR YouTube kanalında yayımlanan çıxışında bildirib.
