CHP-nin sabiq sədri Kamal Kılıçdaroğlu korrupsiya ittihamı ilə həbs olunan İstanbul Böyükşəhər Bələdiyyəsinin sədri Əkrəm İmamoğlu ilə Silivri həbsxanasında görüşüb.
1xeber.media xəbər verir ki, ziyarətdən sonra həbsxana qarşısında jurnalistlərə açıqlama verən Kılıçdaroğlu İmamoğlunun əhval-ruhiyyəsinin çox yaxşı olduğunu bildirib.
“Onun yüksək əhval-ruhiyyəsinin əsas səbəbi haqlı olduğuna inamıdır. Biz Türkiyənin məsələlərini müzakirə etdik, o, bəzi qeydlər almışdı, zatən dəftəri ilə gəlmişdi. Bizim vəzifəmiz bu ölkəyə ədalətin gəlməsidir. Silivridə çox sayda hörmətli insan var. Gələn həftə də buraya gələcəyəm və yalnız Əkrəm bəyə deyil, başqalarına da baş çəkəcəyəm”, - o vurğulayıb.
