Hazırda Yeni Klinikanın Reanimasiya şöbəsində müalicə edilən Dövlət Akademik Musiqili Teatrın aktyoru Möylə Mirzəliyevə qan donoru lazımdır.
1xeber.media xəbər verir ki, bu barədə aktyorun qızı Leyla Rəhimli məlumat verib.
"Atamın qan dəyərləri aşağı olduğu üçün dializ edə bilmirlər. Çox xahiş edirəm, kimin sağlığı əl verirsə, Yeni Klinikaya gəlsin və birinci mərtəbədə donor qan alma otağına yaxınlaşsın. Bütün qan qrupları uyğundur", - deyə o bidlirib.
Qeyd edək ki, aktyor bir müddət əvvəl boyun fəqərələrində spinal stenoz diaqnozu ilə özəl tibb müəssisəsində transpedikulyar fiksasiya (implant) əməliyyatı olunub. Əməliyyat sonrası xəstədə yuxarı və aşağı ətrafların iflici qeydə alındığından uzun müddət digər tibb müəssisəsinin reanimasiya və intensiv terapiya şöbəsində müalicə edilib.
