Rusiya təşkilatın himayəsi altında Ukraynanın müvəqqəti idarə olunması təşəbbüsü ilə BMT-yə rəsmi müraciət etməyib.
1xeber.media "Novosti"yə istinadən xəbər verir ki, bu barədə BMT Baş katibi Antonio Quterreşin ofisinin rəsmi nümayəndəsi Stefan Düjarrik bildirib.
"Mən heç kimin rəsmi olaraq hər hansı məlumat ötürməsindən xəbərsizəm", - baş katibin ofisinin sözçüsü deyib.
Bununla da Düjarrik “Rusiyadan hər kəsin” Ukraynada müvəqqəti idarəçiliklə bağlı təşkilata müraciət edib-etməməsi sualını cavablandırıb.
Bundan əvvəl Rusiya prezidenti Vladimir Putin Ukraynada BMT və bir sıra ölkələrin himayəsi altında müvəqqəti idarəetmənin tətbiqinin müzakirəsini təklif edib. Bu, onun fikrincə, hakimiyyətə güclü hökumətin gəlməsinə imkan verəcəkdi.
Martın 28-də Quterreş Rusiya liderinin təşəbbüsünə cavab verərək, hazırkı Ukrayna hakimiyyətinin legitim olduğunu bildirib.
