Xəbər verdiyimiz kimi, Prezident İlham Əliyevin imzaladığı sərəncama əsasən, Məmmədbağır Cavad oğlu Əliyev “Şərəf” ordeni ilə təltif edilib.
1xeber.media Metbuat.az-a istinadən xəbər verir ki, Məmmədbağır Əliyev 1955-ci ildə Tacikistanın Kurqan-Tübə şəhərində anadan olub. 1979-cu ildə Azərbaycan Dövlət Tibb İnstitutunu bitirən alim uzun illər xəstəxana və onkoloji mərkəzlərdə həkim kimi çalışıb.
1992-ci ildən Rusiya Elmlər Akademiyasının Onkoloji Mərkəzində fəaliyyət göstərən professor doktorluq dissertasiyasını burada müdafiə edib.
2000-ci ildə dövlət mükafatına layiq görülən Məmmədbağır Əliyev 2011-ci ildə “Dostluq” ordeni ilə də təltif olunub.
O, 150-dən artıq elmi işin, iki monoqrafiyanın və bir sıra səmərələşdirici təkliflərin müəllifidir.
