Beynəlxalq Valyuta Fondu (IMF) 2025-ci ildə Azərbaycanın strateji valyuta ehtiyatlarının 71,671 milyard ABŞ dollarına çatacağını (il ərzində artım 0,96 %) proqnozlaşdırır.
Bu barədə 1xeber.media IMF-in hesabatına istinadən xəbər verib.
Fondun proqnozlarına görə, Azərbaycan Mərkəzi Bankının (AMB) valyuta ehtiyatları 10,76 milyard ABŞ dolları (il ərzində azalma 1,82 %), Azərbaycan Dövlət Neft Fondunun (ARDNF) aktivləri isə 60,911 milyard ABŞ dolları (artım 1,47 %) təşkil edəcək.
2026-cı ildə strateji valyuta ehtiyatları 72,357 milyard ABŞ dollarına (+0,96 %) çatacaq ki, bunun da 10,56 milyard ABŞ dolları (-1,89 %) AMB-nin, 61,797 milyard ABŞ dolları (+1,46 %) isə ARDNF-in payına düşür. 2027-ci ildə bu göstəricilər müvafiq olaraq 72,224 milyard ABŞ dolları (-0,18 %), 10,36 milyard ABŞ dolları (-1,89 %) və 61,864 milyard ABŞ dolları (+0,11 %) səviyyəsində proqnozlaşdırılır.
Öz növbəsində, 2028-ci ildə ölkənin strateji valyuta ehtiyatlarının 71,754 milyard ABŞ dolları (-0,65 %), AMB-nin ehtiyatlarının 10,16 milyard ABŞ dolları (-1,93 %), ARDNF-in aktivlərinin 61,594 milyard ABŞ dolları (-0,44 %), 2029-cu ildə isə müvafiq olaraq 72,182 milyard ABŞ dolları (+0,6 %), 9,96 milyard ABŞ dolları (-1,97 %) və 62,222 milyard ABŞ dolları (+1,02 %) səviyyəsində olacağı gözlənilir.
