ABŞ Hərbi Hava Qüvvələri Yəmənin şimal-qərbində yerləşən, eyniadlı vilayətin inzibati mərkəzi olan Saada şəhərinə aviazərbələr endirib.
Bu barədə Yəmənin "Əl Masirah" telekanalı məlumat yayıb.
Bildirilib ki, bombardmana xüsusilə Afrika ölkələrindən olan miqrantların saxlandığı cəzaçəkmə müəssisəsi məruz qalıb.
İlkin məlumatlara əsasən, onlarla həlak olan və yaralanan var.
***
ABŞ ordusunun Yəmənin şimal-qərbindəki Saada şəhərində afrikalı miqrantların saxlandığı mərkəzə endirdiyi zərbə nəticəsində azı 50 nəfər yaralanıb.
Bu barədə “Əl Masirah” telekanalı məlumat yayıb.
Bildirilib ki, 50 zərərçəkən yerli xəstəxanaya çatdırılıb:
“Hadisə yerində dağıntılar hələ də təmizlənir”.
***
ABŞ ordusunun Yəmənin şimal-qərbindəki Saada şəhərində Afrika ölkələrindən olan miqrantların saxlandığı mərkəzə endirdiyi zərbələr nəticəsində azı 30 nəfər həlak olub.
