"Tofiq Bəhramov Stadionun aşağı hissəsində şam ağacları quruyur. Artıq 2-ci ildir ki bu prosesi müşahidə edirəm. Səbəbi nədir bilmirik".
1xeber.media "DİA-AZ"-a istinadla xəbər verir ki, bu barədə vətəndaşlar öz gileylərində ifadə edərək əlaqədar qurumları təcili hərəkətə keçməyə çağrıblar.
Qeyd edək ki, peykdən çəkilmiş görüntüdə sadəcə həmin ərazidəki ağacların quruduğu görünür.
Buna işarə edən narazı sakinlər Ekologiya və Təbii Sərvətlər Nazirliyinə müraciət edərək vurğulayırlar ki, ya kimlərsə yaşıllığı məqsədli şəkildə məhv edir (çünki əgər çürümə getsəydi, digər ağaclarda da müşahidə olunardı), ya da xəstəlikdirsə, ağaclar yoluxubsa, geniş yayılmamış ETSN bununla bağlı tədbirini görməlidir.
Hər halda, Bakının mərkəzində müşahidə olunan bu hala ETSN-nin reaksiya verəcəyinə ümid edirik...
Ətraf ərazilərdəki ağaclıqlar yaxşı vəziyyətdədir.
