Türkiyənin xarici işlər naziri Hakan Fidan İstanbulda Rusiya və Ukrayna nümayəndə heyətlərinin görüşü başlamazdan əvvəl açılış nitqindən sonra danışıqlar zalında qalıb.
1xeber.media xəbər verir ki, bu barədə RİA Novosti mənbəyə istinadən məlumat yayıb.
Rusiya və Ukrayna nümayəndələri arasında danışıqlar mayın 16-da Moskva vaxtı ilə saat 13:35-də başlayıb. Rusiya nümayəndə heyətinə 2022-ci ildə İstanbulda Kiyevlə danışıqlarda Moskvanı təmsil edən prezidentin köməkçisi Vladimir Medinski başçılıq edib. Ukrayna nümayəndə heyətinə isə müdafiə naziri Rustem Umerov başçılıq edib.
Görüşün əvvəlində Fidan salamlama nitqi ilə çıxış edib. Onun sözlərinə görə, tərəflərin iki yolu var - ya sülhə, ya da daha böyük məhvə doğru və onlar hansını seçəcəklərinə özləri qərar verəcəklər. O qeyd edib ki, iki ölkənin nümayəndə heyətlərinin bugünkü görüşü 2022-ci ilin martından bəri ilk görüşdür.
Bundan əvvəl Rusiya və Ukrayna arasında ikitərəfli danışıqların videosu yayılıb.
