Çində məmurlar və partiya işçilərinə iş saatlarında delikates yemək və spirtli içki qəbul etmək qadağan edilib.
Sinxua xəbər agentliyi bildirir ki, bu barədə Çin Xalq Respublikası Kommunist Partiyası Mərkəzi Komitəsinin və Dövlət Şurasının ciddi qənaət və israfçılığa qarşı mübarizə haqqında qərarında deyilir.
Sənədə əsasən, “rəsmi standartlara ciddi riayət edilməsi” və “vəsaitlərin xərclənməsinə nəzarət sisteminin tətbiqi” nəzərdə tutulur. Qurumun fikrincə, bu, məmurları qənaətcil olmağa sövq etmək üsuludur.
Qeyd edək ki, bu il aprelin əvvəlində Rusiyanın Surqutda şəhərində də oxşar qərar çıxarılıb. Belə ki, şəhərin meri Maksim Slepov bələdiyyə işçilərinin yenilənmiş etik davranış kodeksi haqqında fərman imzalayıb. Sənəddə bəzi məqamlar bələdiyyə işçilərinin sosial şəbəkələrdə davranışlarına aiddir.
Onlara dəbdəbəni nümayiş etdirməmək tövsiyə olunur. Bundan əlavə, bələdiyyə işçiləri jarqon və ya kobud sözlərdən istifadə etməməli, işçilərin nalayiq şəkildə göstərildiyi, siqaret çəkdiyi və ya spirtli içki qəbul etdiyi fotolar dərc edilməməlidir. İşçilər həmçinin maraqların toqquşmasından qaçmağa və üç min rubldan çox olan hədiyyələri qəbul etməməyə çağırılır.
bakupost
