Mərhum deputat Qənirə Paşayevanın büstünün müəllifi, heykəltəraş Elxan Zeynalov tənqidlərə cavab verib.
Heykəltəraş Teleqraf-a açıqlamasında tənqidlərlə razı olduğunu bildirib.
E.Zeynalov deyib: "Mən tənqidləri qəbul edən biri kimi onu deyə bilərəm ki, bəli, Qənirə xanım daha gözəl idi. Bunu deyənlərə "Var olun" deyirəm. Amma o, aktrisa, şou-biznes əhli deyildi. Hər şeydən öncə siyasi xadim idi. Ona görə də Qənirə xanıma həsr etdiyim büstü bu qədər sadə göstərdim. Bəli, saçlar açıq, bir az dalğalı, bir az da daş-qaş...Amma onun ciddi və zəhmətkeş obrazını məhz bu cür təsəvvür etdim".
Qeyd edək ki, Qənirə Paşayeva 2023-cü ildə vəfat edib. O, ll Fəxri Xiyabanda dəfn edilib.
