Avropa İttifaqının (Aİ) rəhbərliyi Rusiyadan enerji resurslarının idxalından imtina məsələsində güzəştə gedə bilər.
1xeber.media xəbər verir ki, bunu Slovakiyanın baş naziri Robert Fiko bildirib.
Siyasətçi qeyd edib ki, Aİ ölkələri Rusiyadan nüvə yanacağı, zənginləşdirilmiş uran, neft və qazın tədarükünün dayandırılması məsələsində ciddi problemlə üzləşib.
“Amma mən artıq yaxşı xəbərlər eşidirəm ki, bizim yaratdığımız təzyiqlər çərçivəsində Avropa Komissiyasından müəyyən güzəştlərə nail ola biləcəyimiz barədə razılığa gəlməyə maraq var”.
Bundan əvvəl Fiko Almaniya kansleri Fridrix Merzin Aİ tərəfindən Slovakiyaya qarşı mümkün sanksiyalarla bağlı sözlərini qəbuledilməz adlandırıb. O bildirib ki, əgər Avropada kimsə hamı üçün vahid, məcburi rəy siyasəti yürütmək istəyirsə, bu, demokratiyanın bitməsindən xəbər verir.
