Bakıda bir qrup yeniyetmənin küçə kameralarını sındırmasını əks etdirən görüntülər yayılıb.
1xeber.media xəbər verir ki, həmin yeniyetmələrin Binəqədi rayonu ərazisində əmlaka ziyan vurduqları bildirilib.
DİN Mətbuat xidmətinin əməkdaşı Elbrus İbrahimov sorğumuza cavab olaraq bildirib ki, sosial şəbəkələrdə Binəqədi rayonu ərazisində təhlükəsizlik kameralarına zərər vurulması ilə bağlı paylaşılan görüntülər araşdırılıb: “Əməli törədən 4 yeniyetmə polis əməkdaşları tərəfindən müəyyən edilib. Onlar valideynləri ilə birgə ərazi üzrə Binəqədi RPİ-nin 40-cı PB-nə dəvət ediliblər. Həmin şəxslərlə profilaktik söhbət aparılıb və dəyən ziyanın ödənilməsi təmin edilib”.
