“Aqroservis” Açıq Səhmdar Cəmiyyətinin (ASC) Xaçmaz Regional Nümayəndəliyinə məxsus kombaynlar Bakı-Salyan şossesində saxlanılıb. Bu barədə
Bizimyol.info xəbər portalına sürücülər məlumat verib.
Sürücülər bildirib ki, heç bir səbəb göstərmədən onları saxlayıb, 17 kombaynı əllərindən alan Azərbaycan Avtomobil Yolları Dövlət Agentliyinin nəzdindəki “Avtomobil Yollarının Mühafizə Xidməti” MMC-nin əməkdaşları olub. Hadisə mayın 30-da günorta saat 12.00 radələrində baş verib.
Sözügedən kombaynlar Sabirabad rayonuna, 2025-ci ilin taxıl biçinində kömək etmək üçün göndərilib. Sürücülərin əlində bunu təsdiqləyən icazə sənədi də var.
“Aqroservis” Açıq Səhmdar Cəmiyyətinin (ASC) Xaçmaz Regional Nümayəndəliyinə məxsus kombaynlar Bakı-Salyan şossesində saxlanılıb. Bu barədə Bizimyol.info xəbər portalına sürücülər məlumat verib
“Qaradağdakı polis postunu keçdik, heç bir problem olmadı. Sonra bizi bunlar saxladılar. Heç bir izahat da vermirlər. 6-7 saatdır günün altında, ac-susuz dayanmışıq, gözləyirik. Nə işimizə baxan var, nə bir söz deyən var. Bu gün də həftənin cümə günüdür. Əgər məsələ bu gün həll olunmasa, bizə əlavə problem yaranacaq. Çünki şənbə və bazar onların iş günü deyil. Yubanacaq, qalacaq bazar ertəsinə. Kəndlini, fəhləni, kasıbı niyə başa düşmək istəmirlər?”, - deyə sürücülər şikayətlənib.
