Kölndə İkinci Dünya Müharibəsindən qalan 3 partlamamış bombanın tapılması səbəbindən 20 min insan təxliyə edilir.
1xeber.media xəbər verir ki, bu barədə Bild nəşri məlumat yayıb.
Məqalədə deyilir: "Bütün köhnə Köln şəhəri qadağa zonasına daxildir. Bundan əlavə, 58 otel və digər yaşayış məntəqələri boşaldılmalıdır. Reyn üzərindəki üç körpü də bağlanacaq".
Bildirilir ki, Deutz bölgəsində torpaq tədqiqatı zamanı üç Amerika bombası aşkar edilib. Şəhər rəhbərliyi qeyd edib ki, iyunun 4-də səhər saatlarında başlayacaq elan edilmiş təxliyə 1945-ci ildən bəri ən böyük təxliyədir.
Bundan əvvəl Amerikanın Kolorado ştatının Boulder şəhərinin hakimiyyət orqanları insanlara hücumdan sonra bir neçə yaşayış məntəqəsinin boşaldılmasını elan etmişdi. Bildirilib ki, naməlum şəxs Qəzza zolağında qalan israilli girovlara dəstək məqsədilə şəhərdə keçirilən nümayiş iştirakçılarına molotov kokteyli atıb.
