Hər il Həc ziyarəti ərəfəsində bir sıra məsələlər gündəmə gətirilir. Onlardan biri də ziyarət zamanı zəvvarların simvolik olaraq şeytana daş atması ilə bağlıdır. Belə ki, şeytanın daşlanmasına inananlar olsa da, bunun absurd addım olduğu deyilir. Mərasimin arxasında biznes maraqlarının dayandığı iddia olunur. Lakin əksəriyyət bildirir ki, atılan daşlar bir növ insanları həmişə günaha düşürmək üçün fürsət axtaran şeytana qarşı müqavimət göstərməni təmsil edir.
Doğrudanmı Kəbə ətrafında şeytana daş atmaq mümkündür, yoxsa bu, bir rəvəyət və ya biznes növüdür?
Globalinfo.az-a danışan ilahiyyatçı Elşad Miri deyib ki, islamın yeganə mənbəyi Qurandır. Onun sözlərinə görə, Quranda şeytana daş atmaq anlayışı yoxdur:
“Bu gün Həcc adı altında gedən insanlar Arafatdan sonra Muzdalifədən keçirlər. Bunun ardından daş yığıb Camarata gedirlər. Camaratı isə şeytanı daşlama yeri kimi qəbul edirlər. Bu da əslində totemizmdir. Bunun islam və Quranla heç bir əlaqəsi yoxdur”.
Elşad Miri deyib ki, şeytan daşlama bir rəvayətdir:
“Sadəcə, müxtəlif rəvayətlər ortaya çıxarıblar ki, guya İbrahim peyğəmbər oğlu İsmayılı qurban kəsməyə aparanda şeytan onu aldatmağa, fikrindən daşındırmağa çalışıb. İndi bunlar da şeytana daş atmaqla bunu həyata keçirirlər. Halbuki Quranda şeytana daş atmaq kimi göstəriş yoxdur. Bu insanlar yerdən daş yığıb şeytana atmaq yerinə, o yerlərdə olan natəmizliyi təmizləsinlər. Şeytanlığı elə həmin yerləri çirkləndirən insanların özləri etmiş olmurmu?!”
İlahiyyatçı bildirib ki, şeytana bu qədər daş atılırsa, o, çoxdan ölməli idi:
“Əgər bu qədər şeytan ordadırsa, hər il ora gedən milyonlarla insan bunu daşlayıb öldürə bilmədimi? Bəziləri məsələni hərdən mənəvi yöndən izah etməyə çalışırlar, amma faktiki olaraq insanlar əllərinə daş yığıb orda betondan düzəldilən yerə daş atırlar. Bunun məntiqi əsası ola bilərmi? Allah bizdən belə bir şey istəyə bilərmi? Həqiqətənmi bu, şeytan daşlamadı? Bu, necə şeytandır ki, əvvəllər kiçik olub, sonradan həmin yeri daha da böyüdüblər ki, zəvvarlar çoxalıb ora daş atırlar
