İyunun 7-də ruslar Donetsk vilayətini atəşə tutublar. Hücum nəticəsində 3 nəfər həlak olub, daha 1 nəfər yaralanıb.
1xeber.media xəbər verir ki, bu barədə Donetsk vilayət hərbi administrasiyasının rəhbəri Vadim Filaşkin məlumat verib.
O bildirib ki, İllinovska icmasının Yablonovka kəndində isə ruslar 2 nəfəri qətlə yetirib və 2 evi dağıdıblar. Daha 1 nəfər isə Konstantinovkada həlak olub.
Filaşkinin sözlərinə görə, Pokrovsk şəhərində bir sakin yaralanıb, şəhərdə FPV-dron təsərrüfat tikilisinə zərər yetirib.
