Ermənistan Baş naziri Nikol Paşinyan Türkiyə Prezidenti Rəcəb Tayyib Ərdoğanla görüşdə sərhədin açılmasına ümid edir.
1xeber.media xəbər verir ki, bu barədə Ermənistan Teleqram kanalları yazıb.
Qeyd olunub ki, yayılan məlumatlara görə, iyunun 20-də Ermənistanın Baş naziri Nikol Paşinyan Ankarada Türkiyə Prezidenti Rəcəb Tayyib Ərdoğanla görüşəcək. Paşinyan bu görüşdə Ermənistan-Türkiyə sərhədinin açılması məsələsini yenidən gündəmə gətirməyi planlaşdırır.
“Ermənistan tərəfi hesab edir ki, xarici siyasətdə atılan addımlar, xüsusilə də Türkiyə ilə münasibətlərin yaxşılaşdırılması ölkədə Ermənistan Apostol Kilsəsi ilə bağlı yaranmış narazılığı azalda bilər. Görüşdə Ərdoğan da yeni bir məsələni gündəmə gətirəcək. Əgər əvvəllər o, əsasən Ermənistanla Azərbaycan arasında sülh sazişinə diqqət yetirirdisə, bu dəfə Metsamor AES-in bağlanması ilə bağlı rəsmi tələb irəli sürüb. Türkiyə bu stansiyanı ətraf mühit üçün təhlükə hesab edir”, - məlumatda qeyd olunub.
