Latviya hakimiyyəti Rusiya və Belarus vətəndaşlarına ölkədə daşınmaz əmlak almağı qadağan edib.
1xeber.media xəbər verir ki, bu barədə LSM-dən məlumat verilib.
Nəşrdə göstərildiyi kimi, məhdudiyyətlər Rusiya və Belarusdan olan hüquqi şəxslərə və kapitalının ən azı 25%-nin bu ölkələrin vətəndaşlarına məxsus olduğu və ya onların faktiki benefisiar olduğu şirkətlərə də şamil ediləcək. Qadağa qanun qüvvəyə mindikdən sonra bağlanan əməliyyatlara şamil edilir.
İstisnalar, məsələn, əmlakın vərəsəliyi və ya məhkəmə qərarı ilə mümkündür. Bu, yeganə evdirsə və alıcının qanunun qüvvəyə minməsindən əvvəl verilmiş daimi yaşayış icazəsi və ya Avropa İttifaqının (Aİ) daimi sakini statusu varsa, alışa icazə verilir.
