Danimarkanın baş naziri Mette Frederiksenə partiya yoldaşları qeyri-adi - kartondan hazırlanmış eşşək şəklində hədiyyə təqdim ediblər.
1xeber.media xəbər verir ki, bu barədə "Se og Hør" portalı məlumat yayıb.
Hədiyyə Frederiksenə Sosial-demokratlar partiyasına rəhbərlik etməsinin 10 illiyinə həsr olunmuş tədbir zamanı təqdim olunub. Karton eşşəyi o, siyasi karyerasını başa vurduqdan sonra canlı heyvana dəyişə biləcək.
Baş nazirin planına əsasən, vəzifədən getdikdən sonra Baltik dənizində yerləşən Mön adasındakı kənd evinə köçərək təsərrüfatla məşğul olmaq niyyəti var.
Ətraflı
Qeyd olunur ki, tədbir Kopenhagendəki Valbi rayonunda yerləşən mehmanxana və restoran işi məktəbində keçirilib. Təxminən 100 nəfərin iştirak etdiyi məclisə siyasətçilər, incəsənət nümayəndələri və sahibkarlar qatılıb.
Frederiksen 2019-cu ilin iyununda, 41 yaşında olarkən Danimarkanın ən gənc baş naziri olub.
