Rusiya prezidenti Vladimir Putin və İraqın baş naziri Məhəmməd əl-Sudani qlobal enerji bazarları üçün risklərdən narahat olduqlarını bildiriblər.
1xeber.media xəbər verir ki, bu barədə iyunun 23-də Kremldə məlumat verilib.
“İsrailin İrana qarşı hərbi əməliyyatı, eləcə də ABŞ-ın İranın nüvə obyektlərinə raket və hava zərbələri ilə bağlı Yaxın Şərqdəki vəziyyətlə bağlı ətraflı fikir mübadiləsi aparılıb”, - deyə Kremlin Teleqram kanalında bildirilib.
Hər iki tərəf bu cür hərəkətlərin BMT Nizamnaməsini, eləcə də beynəlxalq hüququn digər normalarını pozduğunu, bunun regionun sabitliyi və qlobal təhlükəsizlik sistemi üçün təhlükəli və gözlənilməz nəticələrə səbəb ola biləcəyini qeyd edib.
