Türkiyə beşinci nəsil F-35 qırıcı proqramına qayıtması ilə bağlı tərəfdaşları ilə danışıqlar aparır.
1xeber.media xəbər verir ki, bunu Türkiyə Prezidenti Rəcəb Tayyib Ərdoğan deyib.
“Biz F-35-dən imtina etməmişik. Layihəyə qayıtmaq niyyətimizi həmsöhbətlərimizlə müzakirə edirik. F-35 proqramı texniki olduğu qədər də siyasi prosesdir. Türkiyə haqsız yerə proqramdan kənarlaşdırıldı. Müttəfiqlik ruhu ilə bir araya sığmayan bu addımı biz həmişə tənqid etmişik”, - Ərdoğan bildirib.
Onun sözlərinə görə, bu məsələni ABŞ Prezidenti Donald Trampla da müzakirə edib.
“Texniki səviyyədə danışıqlar başlayıb. Ümid edirəm ki, irəliləyiş əldə edə bilərik”.
