Bu günlərdə bir qrup şəhid ailəsi Kəlbəcər rayonunun Vəng kəndində olublar. Onlar övladlarının şəhid olduğu əraziləri ziyarət etmək üçün səfərə çıxıblar. Valideynlər Vəngdə üzləşdikləri laqeydlik və hörmətsizlikdən şikayət ediblər.
1xeber.media xəbər verir ki, onlar etirazlarını sosial şəbəkə vasitəsilə ictimailəşdiriblər.
Aidiyyəti qurumlara səslənən ata-analar bildiriblər ki, işğaldan azad edilmiş ərazilərdə fəaliyyət göstərən restoran və kafelərdə bir stəkan çay içmək üçün onlara şərait yaradılmayıb. Onları ən çox əsəbiləşdirən Vəngdəki restoranda çal-çağırın, araq məclisinin qurulması, üstəlik şəhid ailələrinə dincəlmək üçün şəraitin yaradılmamasıdır.
Valideynlərdən biri deyib:
“Balalarımızın şəhid olduğu yer “hırrıxana”ya çevrilib. Burda yer tapıb, bir stəkan çay içə bilmədik. Heç kim bizimlə maraqlanmadı. Burda elə adamlar əyləşib ki, bu işlərə dəxillər yoxdur”.
