Azərbaycanda növbəti bayram tətili noyabrda olacaq.
1xeber.media xəbər verir ki, noyabrda 4 gün ardıcıl istirahət nəzərdə tutulur.
İyul, avqust, sentyabr və oktyabr aylarında qeyri-iş günü olan bayram yoxdur. Bu müddətdə yalnız 20 sentyabr – Dövlət Suverenliyi Günü və 18 oktyabr – Dövlət Müstəqilliyinin Bərpası Günü qeyd olunur, lakin onlar iş günləridir.
Növbəti qeyri-iş günləri 8 və 9 noyabr olacaq, yəni Zəfər Günü və Dövlət Bayrağı Günü. Hər iki gün şənbə və bazara təsadüf etdiyindən, Əmək Məcəlləsinə əsasən tətil 10 və 11 noyabra keçirilir. Beləliklə, 8-11 noyabr tarixlərində ölkədə ardıcıl 4 gün istirahət olacaq.
Bundan əlavə olaraq, 12 noyabr – Konstitusiya Günü iş günü və ilin sonuncu qeyri-iş günü isə 31 dekabr – Dünya Azərbaycanlılarının Həmrəyliyi Günü olacaq.
Qeyd edək ki, bu gün 4 günlük tətildən sonra ilk iş günüdür.
